这间“神虎”在大坂相当有名，07年寿量健太先生在大坂北新地创业，由于寿量先生喜欢大坂职业棒球坂神老虎队的关系，便将店定为“神虎”，短短几年神虎在大坂已有5间分店，而今次香港店亦是神虎海外分店的第一家，由木村守先生主理，他热爱拉面，曾经在日本四处搜寻好食的拉面，一次在关西名拉面店来来亭偶遇到当时在该店工作的寿量先生，之后寿量先生创办神虎，并邀请这位热爱拉面的木村先生加入。这头过江虎一来到香港就引来一条大长龙，木村先生就话要吸引到客人来食拉面就要令顾客有点在家的感觉，以及品质保证，这两点就是十分重要，“我每天都会花12个小时用猛火去熬汤，期间更要不停搅拌，令猪骨嘅美味完全释放晒出来，并把蔬菜啲甜味带出，最后令杂质同埋异味统统消去，只剩下浓郁美味嘅猪骨汤，并保留滑溜口感，而神虎嘅拉面虽然系博多面系，猪骨汤底配直身幼面，但调味上就会用大坂特色嘅酱汁，呢个酱汁我哋系以一啲鱼类、蚬介类嚟制造，但味道唔会话好强，同纯猪骨汤有少少唔同，多咗一分鲜甜。”据木村先生所讲，每日熬出的汤底，只能够提供150碗拉面左右，卖晒就冇，如果品质上有问题，随时一碗都冇，“品质对我嚟讲系好重要，如果当日试到熬出嘅汤底有问题，就算系啲啲，我都会成煲倒晒佢，宁愿唔做生意，因为汤底始终系拉面嘅灵魂，而提到拉面嘅质素，我亦希望香港啲食客唔好相机食先，因为拉面一出就要立即食，否则，汤冻咗，面侵得耐咗，都会影响拉面嘅质素。”木村先生咁注重品质，确实排长龙食佢都系值得，而为了保持拉面的质素，各位，相机食先这个恶习要戒喇！

加入鱼类、蚬介类嚟制造嘅酱汁落汤底内，果然同一般的九州猪骨汤底有点不同，系香甜同鲜甜，并唔系香浓，同个面底亦好夹，叉烧腌得不俗，软熟，厚薄度恰到好处，食得出木村先生对拉面嘅要求，整体绝对有90分以上，系值得一排嘅，但如果要我排40分钟的话，咁就算喇！