现为LEXON商品创意设计师的Philip，其作品于上年勇夺了国际红点设计大奖，在欧洲这个设计大舞台上得到认同。总括他的成功经验，由细到大的一句格言对他相当有帮助：做任何事要成功，都必须坚持到底，有兴趣的就不要轻易放手。就是凭着这句格言，即使是学业成绩普通的他，最终也能闯出一片天。“我细个就好锺意画嘢同埋砌LEGO呢类玩意，就喺呢个时候，屋企人就发现我有呢类嘅创意同天分，所以开始悉心栽培我画嘢呢方面。中学嗰阵又会参加吓啲art club，喺入面学到用好多唔同嘅物料，喺呢个时候自己先真正开始对设计有兴趣同认知，加上当时屋企人有朋友系做紧平面设计，经过佢嘅讲解，就更加清楚呢个行业系点、设计系咩一回事，令我更加想喺呢个行业发展，于是决定喺IVE报读设计呢科喇，屋企人亦都好支持我。”

除了坚持，Philip还成功在敢于走出去！ 2002年当他修毕IVE产品设计Higher Diploma后，也曾在香港做过几年关于设计的工作，直到2007年终于决定离开香港。“走嘅原因系因为嗰时想去欧洲见识一吓，吸收第一手嘅设计资讯同经验，再加上当时我夜晚都有读夜校进修，当我完成晒喺香港要做嘅事之后，就决定去法国读fine art，俾自己一个机会作新尝试。喺法国嗰阵曾经去过睇LEXON嘅展览，咁啱见到LEXON嘅老板，就同佢倾左几句，点知佢咁就俾咗张卡片我，叫我有兴趣入LEXON做就联络佢。虽然后来我先过咗去英国做一啲工业设计嘅工作，但当返到巴黎之后，我一揾番个老板，佢真系请我入LEXON做，咁就开始咗我而家嘅事业。呢间公司俾咗好多唔同嘅发展机会我，由点样生产一件产品到点样出货，我都会接触到，可以见住自己设计嘅产品由零开始，一步一步咁去生产变成实物，俾到我好大嘅成功感；同埋了解到各种产品系点制造生产之后，又可以令我喺设计方面更加有灵感同方向，更进一步。”最终，Philip获得了国际工业设计界最具公信力的红点设计大奖，这正是他勇于走进世界的成果，而他亦相信正在修读设计的朋友也有此机会，豁，豁出去吧！

这次Philip代表LEXON与潮流密室文化合作，以崭新的设计概念，为Mr.X密室逃脱体验馆其中一大主题“Upside Down”设计一间房间，更将它命名为René Adda（LEXON创办人）睡房。进入房间后，玩家就有如置身于一个上下倒转的空间（其实大相中Philip并非凌空倒转），内里当然是布满了各式各样的机关等大家解谜，而布置也不少得用上LEXON旗下的产品，当中包括Philip荣获红点奖的FLOW Radio。另外，这里早前也举办了一埸名为“追梦”的讲座，Philip以他自己的故事为例子，首次开腔与一众学生及在职年轻人分享飘洋发展设计事业的经历，鼓励更多年青人为梦想努力奋斗。